موسميات کاتي پاران جاري ڪيل پڌرائي موجب ملڪ جي ڪجھ علائقن ۾ جبلن تي برفباري ۽ برسات، جڏھن تہ ڪيترن ئي شھرن ۾ موسم خشڪ ۽ ٿڌي رھڻ جا امڪان آھن. ايندڙ 24 ڪلاڪن دوران اتر بلوچستان ، پختون خواھ جي مٿيئن علائقن، گلگت بلتستان، ڪشمير ۽ پوٺوھار جي علائقي ۾ تيز ھوائن ۽ کنوڻ ساڻ برسات ۽ برفباري جا امڪان آھن.ڪوئيٽا ۽ ان جي آس پاس سياري جي پھرين برسات پوڻ جي نتيجي ۾ ٿڌ ۾ اضافو ٿي ويو آھي.موسميات کاتي موجب ڪوئيٽا ، قلعہ سيف اللہ، زوب ۽ زيارت ۾ برسات ۽جبلن مٿان برفباري جي اڳڪٿي ڪئي آھي.
