سپريم ڪورٽ جي آئيني بينچ اڳوڻي چيف جسٽس قاضي فائز عيسيٰ جي طور تي بلوچستان هاءِ ڪورٽ ۾ مقرري بابت درخواست رد ڪري ڇڏي.
سپريم ڪورٽ جي جسٽس امين الدين خان جي سربراهي ۾ 6 رڪني بينچ قاضي فائز عيسيٰ جي بلوچستان هاءِ ڪورٽ جي چيف جسٽس طور مقرري بابت نظرثاني ڪيس جي ٻڌڻي ڪئي. ٻڌڻي دوران درخواستگذار دليل ڏيندي چيو ته ڀٽو ڪيس به 40 سال بعد ٻڌو ويو، جنهن تي جسٽس جمال مندوخيل چيو ته اهو نظرثاني ڪيس آهي، اسان ڪيس ٻيهر نه کولي سگهون ٿا.
جسٽس مسرت هلالي ريمارڪس ڏنا ته اهو فورم سياسي تقريرن لاءِ نه آهي، قانون کان هٽي نٿا سگهون، ۽ قاضي صاحب کي ڇڏي ڏيو. جسٽس امين الدين سوال ڪيو ته قانون ٻڌايو ته وڏي وزير سان مشاورت ڪيئن لازمي آهي؟ جنهن تي درخواستگذار وڪيل چيو ته مون وٽ رڪارڊ ناهي، پر بلوچستان مان رڪارڊ گهرايو وڃي.
بعد ۾، آئيني بينچ قاضي فائز عيسيٰ خلاف داخل نظرثاني درخواست رد ڪري ڇڏي.
