نئين چونڊيل آمريڪي صدر ڊونلڊ ٽرمپ کي ٽائم ميگزين پاران سال 2024 ع جو ”پرسن آف دي ايئر“ قرار ڏنو ويو آهي.
ٽائم ميگزين پاران ڊونلڊ ٽرمپ کي 2016 ۾ پڻ ”پرسن آف دي ايئر“ قرار ڏنو ويو هو
ٽائم ميگزين پاران 2024ع لاءِ ”پرسن آف دي ايئر“ جي لاءِ شارٽ لسٽ ڪيل اميدوارن ۾ موجوده آمريڪي نائب صدر ڪملا هيرس، برطانوي شهزادي ڪيٽ مڊلٽن، اسرائيلي وزيراعظم بنيامين نيتن ياهو، ميڪسيڪن صدر ڪلاڊيا شين بام، اسپيس ايڪس جو مالڪ ايلون مسڪ ۽ پوڊ ڪاسٽر جو روگن پڻ شامل هئا.
واضح رهي ته ڊونلڊ ٽرمپ 2013 ۾ ميگزين پاران جاري ڪيل اثرائتي ماڻهن جي فهرست کي هڪ مذاق قرار ڏيندي چيو هو ته هي سلسلو جلدي ختم ٿي ويندو.
2015 ۾ ٽائم ميگزين پاران جرمن چانسلر انجيلا مرڪل کي ”پرسن آف دي ايئر“ قرار ڏنو ويو ته ڊونلڊ ٽرمپ ان تي شڪايت ڪئي هئي.
پر جڏهن 2016 ۾ ڊونلڊ ٽرمپ کي ”پرسن آف دي ايئر“ قرار ڏنو ويو ته هن ان کي پنهنجي لاءِ وڏو اعزاز قرار ڏنو ۽ چيو هو ته هي هڪ اهم ميگزين آهي.
ڊونلڊ ٽرمپ جي تصوير هن سال ٽائم ميگزين جي ڪور تي 3 ڀيرا شايع ٿي چڪي آهي
